*सावधान दुकानदारांनो,ग्राहक बनून आलेले आपली फसवणूक करू शकतात...* *बर्थडे केक घेण्याच्या बहाण्याने एका तरूण ग्राहक मुलाने, बेकरी चालकाचा दहा हजाराचा मोबाईल चालता-बोलता लंपास केला....*

*जनमत-*

*दोंडाईचा-* येथे नुकतेच शहरातील गजबजलेल्या असलेल्या निर्मल एम्पोरियम चौकात जय-माताजी बेकरी मालकाला एकाने ग्राहक बनून बर्थडे केक घेण्याचा बहाण्याने मोबाइल मागत चालता-बोलता दहा हजार रूपये किमंतीचा मोबाईल लंपास करण्याची घटना घडली आहे. म्हणून दिवसाढवळ्या माणसांची रहदारी असलेल्या एरियात घटना घडल्याने दुकानदांरामध्ये भितीयुक्त चिंतामय वातावरण निर्माण झाले आहे. त्यासाठी दुकानदार आपसात सावधान म्हणत,ग्राहक बनून आलेले लोक आपली फसवणूक करू शकतात,अशी शंका व्यक्त करत. आता यापुढे प्रत्येक दुकानदाराने ग्राहकी करतांना काळजी घ्यायला हवी असे मत दुकानदार वर्गात मोबाईल लंपास झाल्याच्या घटनेवर मांडण्यात येत आहे.

शहरातील नेहमी राजकीय सभा,गप्पा, बैठक-मैफीली,लग्नसराई सोबत विविध खरेदीसाठी प्रसिद्ध असलेल्या माणसांनी गजबजलेल्या निर्मल एम्पोरियम चौकात दिनांक ४ आँगस्ट बुधवार रोजी दुपारी १.०० ते १.३० वाजेच्या दरम्यान  दिवसाढवळ्या एका अज्ञात तरूणाने दुकानात घुसतांना तोंडाला मास लावत.बर्थडे केक घेण्याच्या बहाण्याने केकच्या भाव-रावाची तपासणी केली व मी फोन आणला नसुन, मला मित्राला फोन करून केक कोणता घ्यायचा आहे,हे विचारायचे आहे असे सांगत.  ब्रेकरी दुकानदाराचा मोबाईल मागितला व दुकानदाराने ही ग्राहक आहे. म्हणून मोबाईल दिला. मात्र पहिल्या वेळेस दुकान दाराचा भाऊ दुकानात बाहेर गावाहून आलेल्या मालाची ने-आण करत असल्यामुळे त्याची हिमंत झाली नाही व मोबाईल परत केला. पुन्हा वेगवेगळे महागडे केक पाहू लागला व तशातच त्याला संधी दिसली व पुन्हा दुकानदाराकडून मोबाईल मागितला. दुकनदारानेही विश्वास ठेवत पुन्हा मोबाईल दिला. मात्र त्याला जसा पळण्याचा मार्ग सुकर दिसला.तसा त्याने कानाला मोबाईल लावत चालता-बोलता पळ काढला.अशावेळेस दुकानदाराला जसे कळेल तेवढ्यात तो बराच लांब चालला गेला होता. ब्रकेरी दुकानदाराने आरडाओरड केली. पण त्याचा काही फायदा झाला नाही. नंतर भाऊला दुकानावर बसवून त्याला शोधण्याचा प्रयत्न केला.त्याचाही फायदा झाला नाही. शेवटी समाजाचे सिन्धी पंचायत अध्यक्ष व माजी नगरसेवक यांना भ्रमणध्वनीवरून घटनेची कल्पना देण्यात आली. त्यांनी तातडीने घटनास्थळी भेट देत.सीसीटीव्ही फुटेज गोळा करत. दोंडाईचा पोलीस स्टेशनचे पोलीस उपनिरीक्षक श्री देविदास पाटील यांना घटनेची माहिती दिली. त्यांनी तातडीने तक्रार द्यायला सागिंतली.

यावेळी दोंडाईचा पोलीस ठाण्यात जय-माताजी ब्रेकरीचे मालक विनोद सुरेशलाल मनचंदाणी आपला आठ महिन्यापुर्वी घेतलेला ९७००/रूपयांचा अँपो कंपनीचा ब्लँक कलरच्या मोबाईलची माहिती व बिलाची छायांकित प्रत व तक्रार अर्ज दाखल केला व मोबाईल परत मिळवून देण्याची पोलीसांकडे गुहार लावली.

मागेही असेच माजी नगरसेवक राकेश पाटीलच्या लाईनीत कापडाची दुकान असलेल्या प्रकाश जैन यांच्या दुकानात  ग्राहक बनून आलेल्या अज्ञात व्यक्तीने हिप्टँनिझम करत गल्ल्यातील पैसे,अंगावरील सोन्याचे दागिने काढत पोबारा केला होता. आताही गावातील नेहमी माणसांनी गजबजलेल्या चौकात दुकानदारासोबत झालेल्या घटनेने सर्वच दुकानदार अचंबित झाले आहे. तरूण पोरगा ग्राहक बनून मोबाईल चोरेल असा कोणाला विश्वास बसत नाही आहे. तर दुसरीकडे सावधान म्हणत,अशा  घटनांपासुन कसे सावध राहता येईल असे प्रत्येक दुकानदांर भितीयुक्त चिंतेतुन दिवसभर विचार करत आहे.