माहिती अधिकाराचा दणका, जन माहिती अधिकाऱ्यावर शास्तीची कार्यवाही

 शिंदखेडा- ग्रामपंचायत सुकापूर ता. साक्री जि. धुळे येथील ग्रामसेवक ए. एम. ठाकरे कडून  माहिती अधिकार कार्यकर्ता धनराज व्ही. निकम यांनी दि ०५/०३/२०१९ रोजी माहितीच्या अधिकारात अर्ज सादर करून १४ वा वित्त
आयोगाची माहिती मागणी केलेली होती.सदर माहिती ३० दिवसात न मिळाल्याने प्रथम अपील सादर केली. प्रथम अपिलीय आदेशानुसार माहिती न मिळाल्याने अपिलार्थी श्री निकम यांनी दुसरे अपील राज्य माहिती आयोग, खंडपीठ नाशिक यांच्या स्तरावर दुसरे अपील दाखल केले
होते. त्या अनुषंगाने दि. २७/११/२०२० रोजी सदर सुनावणे होऊन संबंधितांकडून शास्तीची
कार्यवाही का करू नये म्हणून   खुलासा  मागविण्यात आलेला होता.
     दिनांक ०८/०२/२०२१ रोजी चा खुलासा अमान्य? करण्यात आला आहे. व त्यांचा विरोधात माहितीचा अधिकारअधिनियम २००५ चे कलम२०(१) अन्वये रुपये ५०००/(रु. पाच हजार मात्र) शास्तीची कार्यवाही करण्यात आलेली आहे. सदर शास्तीची रक्कम सहाय्यक गटविकास अधिकारी, पंचायत समिती कार्यालय, साक्री यांनी तत्कालीनग्रा मसेवक ग्रा.पं.सुकापूर ए.एम ठाकरे यांच्या वेतनातून समान २मासिक हप्तात कपात करून माहिती अधिकार च्या लेखाशीर्षात जमा करण्याची कार्यवाही करावी असे देखील आदेशात नमूद केले आहे. सदर यासंदर्भात कमी स्वरूपाची शास्ती करण्यात आली असून संबंधितावर रु २५ हजारांची शास्ती करून शिस्तभंगाची कार्यवाही करायला हवी होती. असे मत माहिती अधिकार कार्यकर्ता धनराज निकम यांनी व्यक्त केले आहे.