*शिंदखेडा तालुका विज्ञान मंडळाची सहविचार सभा संपन्न*

शिंदखेडा ( यादवराव सावंत ) प्रतिनिधी :-

   शिंदखेडा येथील पंचायत समिती शिक्षण विभाग व तालुका मुख्याध्यापक संघ  ,तालुका विज्ञान गणित अध्यापक संघ शिंदखेडा यांच्या संयुक्त विद्यमानाने पंचायत समिती  कार्यालय शिंदखेडा येथे तालुकास्तरीय सहविचार सभा संपन्न झाली.  

     पंचायत समिती शिक्षण विभागाचे गटशिक्षणाधिकारी  डॉ.सी.के.पाटील हे सभेच्या अध्यक्षस्थानी होते तर सदर सभेस शिंदखेडा तालुका मुख्याध्यापक संघ अध्यक्ष एस.ए. कदम,केंद्रप्रमुख सी.जी बोरसे शिंदखेडा तालुका विज्ञान मंडळ अध्यक्ष आर.ए.चित्ते, उपाध्यक्ष ए.टी.पाटील, कार्याध्यक्ष  जे डी भदाणे, विज्ञान मंडळ जिल्हा उपाध्यक्ष  एस एन पाटील, मुख्याध्यापक पी व्ही सिसोदे , एस आर देवरे आदी मान्यवर उपस्थित होते.

    सभेत या शैक्षणिक वर्षात संपन्न होणाऱ्या शिंदखेडा तालुका स्तरीय विज्ञान प्रदर्शन या विषयावर चर्चा करण्यात आली तसेच वर्षभरात घेण्यात आलेल्या विज्ञान व गणित उपक्रमांची माहिती मांडण्यात आली.शैक्षणिक वर्ष 2024-25करिता अखिल भारतीय तालुकास्तरीय विज्ञान प्रदर्शन घेण्यासंदर्भात विचार झाला. या विज्ञान प्रदर्शनाचे विषय समाजातील शाश्वत भविष्यासाठी विज्ञान व तंत्रज्ञान हा असून यात उपविषय अन्न आरोग्य आणि स्वच्छता, वाहतूक दळणवळण, नैसर्गिक शेती, आपत्ती व्यवस्थापन, कचरा व्यवस्थापन, संसाधन व्यवस्थापन,असणार आहेत सदर प्रदर्शन दिनांक 10 व 11 डिसेंबर रोजी आस्तिक मुनी माध्यमिक विद्यालय कलमाडी येथे घेण्यात येणार आहे. तरी शिंदखेडा तालुक्यातील जास्तीत जास्त माध्यमिक शाळांनी यात सहभाग नोंदवावा असे आवाहन  गटशिक्षणाधिकारी डॉ सी के पाटील यांनी केले आहे.