*जनता हायस्कूल मध्ये श्रीकृष्ण जन्माष्टमी निमित्त दहीहंडी उत्सव साजरा*

 शिंदखेडा येथील जनता हायस्कूल व कनिष्ठ महाविद्यालयात श्रीकृष्ण जन्माष्टमी निमित्ताने दहीहंडी उत्सवाचे आयोजन करण्यात आले होते. सदर कार्यक्रम प्रसंगी  संस्थाअध्यक्ष श्री मनोहर गोरख पाटील यांच्या शुभ हस्ते श्रीकृष्ण व राधा यांच्या वेशभूषेतील विद्यार्थ्यांचे व दहीहंडी चे पूजन करून कार्यक्रमाला सुरुवात करण्यात आली.

 कार्यक्रम प्रसंगी प्राचार्य श्री एस एस पाटील पर्यवेक्षक श्री बी जे पाटील ज्येष्ठ शिक्षिक श्री डी एच सोनवणे श्री एस ए पाटील श्री एस के जाधव ज्येष्ठ लिपिक श्री किशोर गोरख पाटील आदी मान्यवर उपस्थित होते.  

    कार्यक्रमात श्रीकृष्ण जन्माष्टमी निमित्ताने अनेक विद्यार्थ्यांनी श्रीकृष्णा, तर काही विद्यार्थिनींनी राधा, गोपिका, तर काही सुदामा व सवंगड्यांच्या वेशभूषा परिधान केल्या होत्या. याप्रसंगी इयत्ता तिसरी च्या विद्यार्थ्यांनी गरबा नृत्य सादर करत मान्यवरांची दाद मिळवली.या विद्यार्थ्यांना श्रीमती पल्लवी पवार व श्रीमती जे एस निकम यांचे मोलाचे मार्गदर्शन लाभले.तसेच दहावी वर्गातील विद्यार्थी व विद्यार्थिनींनी दहीहंडीचे थरावर थर लावत दहीहंडी फोडली.

   उत्सवात वाद्य संगीताची साथ असल्याने विद्यार्थ्यांनी श्रीकृष्ण जन्माष्टमीच्य गीतांवर ठेका धरत सांस्कृतिक नृत्य सादर केले.कार्यक्रमाचे सूत्रसंचलन श्री एस.ए.पाटील तर मान्यवरांचे आभार श्री ए टी पाटील यांनी मानले. कार्यक्रम यशस्वीतेसाठी श्री एल पी सोनवणे,श्री जे डी बोरसे श्री सी व्ही पाटील,श्रीमती एन जी देसले श्रीमती व्हि एच पाटील श्रीमती पी.यू.पवार. शिक्षकेतर कर्मचारी श्री दशरथ धनगर,श्री मनीष माळी,श्री मनोज मराठे,श्री अमोल पाटील,श्री गोपाल पाटील यांचे सहकार्य लाभले. 

   अत्यंत उत्साहाने व आनंदाने कार्यक्रमाची सांगता करण्यात आली.