🧒🏻👹🧒🏻👹🧒🏻👹🧒🏻👹🧒🏻*डोंगराळे गावात यज्ञा दुसाने चिमुरडी* *वरील अत्याचार बघून अमानुषता,* *क्रूरता व अंघोरतेनीहीं लाजून मान* *खाली घालावी अशी हीं घटना आहे!*♾️♾️♾️♾️♾️♾️♾️♾️♾️

         सध्या खान्देश हृदय पिळवटून टाकणारी घटना मालेगाव तालुक्यातील डोंगराळे गावांत घडली आहे. एक 4 वर्षाची बालिका यज्ञा दुसाने हिच्यावर कोणी खैरनार नावाच्या अधमाने अत्याचार केला. त्यानंतर याची वाच्यता बालिकेने कुठे करू नये, म्हणुन या राक्षसाने तिच्या डोक्यात आणि चेहरावर दगड घालून चेंदा मेंदा केला. सैतानाला लाजवेल अस हे कृत्य आहे. 

       मागाच्या वर्षी अशीच एक घटना बदलापूर जि ठाणे येथे घडली होती. शाळेतील एका सफाई कामागराने 4 थ्या वर्गातील मुलीवर लैंगिक अत्याचार केला होता. हीं गोष्ट कळली तेंव्हा जिल्ह्यात मोठा आगडोंब उसळला. आजूबाजुचे लोक बदलापूर गावांत जमले मोठ आंदोलन पेटलं. सर्वं स्तरातून निषेध झाला. लोकल, रेल्वे, बसेस, बाजार बंद केला. आरोपीला ताबडतोब अटक होऊन खटला भरला. त्यांत पोलिसांनाही राग आला असावा त्यांनी त्या हराम खोराचा एनकाउंटर केला. 

       त्यापेक्षा कैक पटीने भयंकर प्रकार आहे डोंगराळा गावातील. बदलापूर गावांत त्या रक्षासाने केवळ लैंगिक आत्यारं केला होता. इथे लैंगिक अत्याचार करून अमानुष हत्या झाली आहे. तरी खान्देश झोपला आहे. मीडियावर किरकोळ दखल घेतली गेली. कारण जनतेनी उग्र आंदोलन केलच नाही. खान्देश पेटून उठला पाहिजे. 

        पूर्व खान्देश (जळगाव), पश्चिम खान्देश (धूळे नंदुरबार) दक्षिण खान्देश (नाशिक) पेटून उठलं पाहिजे. पोलीस, शासन, प्रशासन आणि सरकार यांची झोप उडविली पाहिजे. 

       खान्देशांत 6 खासदार आणि 36 आमदार असे 42 निवडून आलेले पुढारी आहेत. या 42 लोकांनी ज्यां 42 उमेदवारांचा पराभव केला तें 42 नेते त्यांच्या कार्य क्षेत्रातील क्रमांक दोनचे नेते ठरले आहेत. कुठं आहेत हे 84  पुढारी?

         ज्यांच्या मतदार संघात हीं दुर्दैवी घटना घडली तें दादा भुसे एक बलवान मंत्री आहेत. त्यांच्या जोडीला गिरीश महाजन आणि गुलाबराव पाटील हे अजून दोन मंत्री आहेत. गिरीश महाजन हे तर नाशिक जिल्ह्याचे पालक मंत्री आहेत. हे पालक मंत्री नाशिक मधे बिबट्याच्या मागे धावताना दिसत होते. त्यांना हीं घटना माहीत नाही कां?

        खांदेशातील 6 खासदारापैकी तिघी महिला आहेत. त्यातील एक तर केंद्रात मंत्री आहेत. कुठं आहेत या महिला नेत्या. 

        खांदेशात अनेक सामाजिक,  राजकीय, कामगार संघटना,जाती जातीच्या संघटना आहेत. काय करत आहेत हे लोक? तुम्ही काय तुमच्या जाती पुरत बघणार आहात कां? मानव जातं तुमची कोणी लागतं नाही कां? 

       महाविद्यालयिन विद्यार्थी संघटना कुठे आहेत? तुम्ही काय केवळ निवडणूक लढविणे दंगा मस्ती करणे एवढ्याच कामापुरते आहात कां?

        अशा प्रकरणात न्याय मिळवून देण्याबाबत ज्यांचा देशभर बोलबाला आहे तें सरकारी वकील उज्वल निकम स्वतः खान्देशी आहेत. आता तर तें राज्यसभेचे खासदार सुद्धा आहेत. वकील साहेब या पुढे. खान्देश माता तिच्या चिमुकली वरील आत्याचार बघून धाय मोकलुन रडते आहे. तीचे अश्रू पुसा. वकील साहेब तुम्ही स्वतः पंतप्रधान मुख्यमंत्री यांना भेटून हा खटला फास्टट्रॅकवर घ्या. त्यांत वकिली तुम्हीच करा. 

        रस्त्यावर या सर्वं आणि रक्तात न्हाऊन निघालेल्या यज्ञा दुसानेला न्याय मिळवून द्या. तहसीलदार कार्यालय, जिल्हाधिकारी कार्यालय पोलीस स्टेशन सर्वत्र निवेदन द्या. धरणे आंदोलन करा. 

      मी आज एकां व्हाट्स अँप ग्रुपवर व्हीडिओ क्लिप बघितली. कोणी तरी खूप भावनात्मक रील बनवली आहे. यज्ञा तिच्या पपाशी संवाद करते आहे. *'पपा मला न्याय मिळेल ना*....😭* माझ्याही डोळ्यात टचकण पाणी आलं काळीज फाटलं. क्षणभर सुन्न झालो. आपल्या प्रत्येकाच्या घरात निष्पाप यज्ञा आहे. किमान तिच्यासाठी लढा. खान्देश पेटवून द्या. 

       *केवळ अपराध्याला शिक्षा करणे एवढाच हेतू नाही. या शिक्षेतून असा थरार निर्माण झाला पाहिजे कीं, दुसरा विजय खैनार झाला नाही पाहिजे.*

       हीं पोस्ट महाराष्ट्रातील घरा घरात पोहचवा. अरे बसल्या बसल्या एवढं तर काम करा ना. लढणारे लढू बाकीच्यांनी हा लेख फिरवा!

        राज्याचे मुख्यमंत्री आणि दोन उपमुख्यमंत्री यांना माझा सवाल आहे. तुमच्या राज्यात असलं पाप घडलंच कसं? बरं घडलं तर घडलं आता तुम्ही जनते समोर येऊन उत्तर द्या तुम्ही यावर काय करत आहात? दोन वर्षापुर्वी खांदेशातील गोंडगाव तालूका भडगाव जि जळगाव येथे अशीच घटना घडली होती. कल्याणी पाटील या अजाण बालिकेवर बलात्कार करून तीचा खून केला गेला होता. हीं केस सरकार फास्ट ट्रॅक वर चालवत आहे म्हणुन कळले. मला मिळालेली माहिती अशी आहे कीं या केसाचा निकाल अजून लागला नाही. जर हीं माहिती खरी असेल तर किती वाईट गोष्ट आहे. दोन वर्ष उलटून गेले तरी कल्याणीला न्याय मिळाला नाही. हा तुमचा फास्ट ट्रॅक आहे कां? या केसचा निकाल लागून आरोपीला शिक्षा झाली असती तर कदाचित हीं डोंगरगावची घटना घडली नसती. आरोपीची हिम्मतचं झाली नसती. सरकारच्या हलगर्जीपणा हाच यज्ञाच्या अत्याचारला जबाबदार आहे. जनतेने पुढे येऊन सरकारला जाब विचारा. 

👹🧒🏻🙏🏻🧒🏻👹 बापू हटकर 

🧒🏻👹🧒🏻👹🧒🏻👹🧒🏻👹🧒🏻