🐄 मालपूर येथे पशुवैद्यकीय दवाखान्याला सचिवांची भेट; कायमस्वरूपी डॉक्टर देण्याचे आश्वासन

शिंदखेडा (प्रतिनिधी – प्रभाकर आडगाळे):

शिंदखेडा तालुक्यातील मालपूर येथे पशुवैद्यकीय श्रेणी-१ दवाखान्यास महाराष्ट्र पशुसंवर्धन तथा दुग्ध विकास विभागाचे सचिव डॉ. रामस्वामी एन यांनी नुकतीच भेट दिली. या भेटीदरम्यान त्यांनी झालेवाडी शेळीपालन प्रकल्पाच्या मालपूर कार्यालयालाही भेट देत तेथील कामकाजाची पाहणी केली.

यावेळी दवाखान्यात डॉ. शितलकुमार मुकणे यांनी सचिवांचे फुलहार घालून स्वागत केले. कार्यक्रमास डॉ. रामस्वामी एन, डॉ. शितलकुमार मुकणे, डॉ. बी. आर. नरवाडे, डॉ. जी. आर. पाटील, डॉ. एन. एस. सोनवणे, डॉ. तुषार पाटील, डॉ. रूपाली काटे आदी मान्यवर उपस्थित होते.

तसेच मीडिया प्रतिनिधी प्रभाकर आडगाळे, वन्य उपचारक पी. व्ही. चव्हाण, शिपाई बापू निकम आदींची उपस्थिती होती.

दरम्यान, पत्रकार प्रभाकर आडगाळे यांनी मालपूर गावासाठी कायमस्वरूपी पशुवैद्यकीय डॉक्टर नियुक्त करण्याची मागणी केली. त्यावर सचिव डॉ. रामस्वामी एन यांनी सकारात्मक प्रतिसाद देत, “येत्या जुलै-ऑगस्ट महिन्यांत कायमस्वरूपी डॉक्टर उपलब्ध करून देण्यात येईल,” असे आश्वासन दिले.

तसेच, शेतकऱ्यांच्या दुधाला योग्य दर मिळावा यासाठीही शासनस्तरावर प्रयत्न केले जातील, असे त्यांनी यावेळी स्पष्ट केले.

या भेटीमुळे परिसरातील पशुपालक शेतकऱ्यांमध्ये समाधान व्यक्त होत आहे.