साने गुरुजी उपसा सिंचन योजनेच्या संचालकपदी बोहरे येथील आसाराम बापू धनगर बिनविरोध

 

अमळनेर- तालुक्यातील साने गुरुजी उपसा सिंचन योजनेच्या संचालकपदी बोहरा येथील प्रगतीशील शेतकरी, ज्येष्ठ सामाजिक राजकीय कार्यकर्ते बापूसाहेब आसाराम सोमा धनगर यांची एन.टी. या प्रवर्गातून 2022 ते 2027 या पाच वर्षासाठी सतत दुसऱ्यांदा बिनविरोध निवड झाली आहे. सदरची योजना ही तालुक्यातील बोहरा, मारवड, कळमसरे, पाडळसरे, गोवर्धन या गावांसाठी असून या येाजनेसाठी शासनाच्या अर्थसंकल्पीय अधिवेशनात पाच कोटी रुपये निधी मंजूर झाला आहे. आसाराम बापू धनगर हे तालुक्यातील सुपरिचित असे सेवाभावी कार्यकर्ते असून बोहरा वि.का. सोसायटीचे विद्यमान संचालक व बोहरे दूध उत्पादक संघाचे (दूध डेअरी) चेअरमन म्हणूनही त्यांनी पद भूषविले होते. भुसावळ येथील माध्यमिक शिक्षक  वसंत रत्नपारखी, पारोळा येथील प्राध्यापक मनोज रत्नपारखी,  व प्रगतीशील शेतकरी विजय रत्नपारखी यांचे ते वडील आहेत. आसाराम बापू धनगर यांच्या सुयोग्य नियुक्तीचे पंचक्रोशीत स्वागत व अभिनंदन होत आहे