_गावपुढाऱ्यांना झोपडपट्टीत,_
_दिवसा झुकतांना पाहिलं.._
_मतदानाच्या आदल्या रात्री,_
_तेच गाव विकतांना पाहिलं!_
_गावठीचीही बोंब तिथं,_
_देशी-विदेशीला पाहिलं.._
_दिवसा प्रचार अन् रात्री,_
_अनेकांना लोळतांना पाहिलं!_
_सकाळी नाना-दुपारी आण्णा,_
_भाऊकडं रात्री झिंगतांना पाहिलं.._
_मटन-चिकनच्या बोटीसाठी,_
_लाळसुद्धा घोटतांना पाहिलं!_
_इलेक्शन झालं-निकाल लागले,_
_मिरवणुकीत डोलतांना पाहिलं.._
_आता त्याच 'बिचाऱ्यां'ना,_
_एकटंच फिरतांना पाहिलं!_
✍️ *राजेंद्र काळे*
बुलडाणा ९८२२५९३९२३
0 Comments