तालुकास्तरीय मैदानी स्पर्धेत घवघवीत यश

         

                  शिंदखेडा - श्री स्वामी समर्थ माध्यमिक व उच्च माध्यमिक विद्यालय,  शिदखेडा येथील विद्यार्थ्यांनी यावर्षीच्या  तालुकास्तरीय मैदानी स्पर्धेत सहभाग नोंदविला होता. ही  स्पर्धा हस्थी पब्लिक स्कूल येथे  आयोजित करण्यात आली होती या स्पर्धेत विद्यालयाच्या विद्यार्थ्यांनी सहभाग घेतला व आपल्या अंगी असलेले कौशल्य पणाला लावून त्यांनी यश संपादन केले. यामध्ये 14  वर्ष वयोगट   असलेल्या मुलींमध्ये  सलोनी ठाकरे हिने  थाळीफेक मध्ये - प्रथम,  600 मीटर मध्ये - द्वितीय,   गोळा फेक मध्ये - तृतीय क्रमांक पटकावला. तसेच  17 वर्षेयोगटातील मुलींमध्ये  लक्ष्मी सोनवणे हिने 800 मीटर मध्ये - प्रथम,  गोळा फेक मध्ये - द्वितीय  क्रमांक   पटकविला.    पुनम माळी 400 मी  मध्ये तृतीय क्रमांक पटकावला. मुलींबरोबरच मुलांनीही 14 वर्ष वयोगटामध्ये समृद्ध कोळी या विद्यार्थ्याने  थाळीफेक व 600 मी  मध्ये  अनुक्रमे द्वितीय क्रमांक पटकाविला.  17 वर्ष वयोगटांमध्ये साजन सोनवणे याने गोळा फेक या स्पर्धेत  तृतीय क्रमांक पटकाविला. आणि अगदी चुरशीच्या लढतीत 4*100 मी रिले मध्ये  समृद्ध कोळी , आमेषा पावरा, रोहित पावरा , योगेश पावरा   यांनी द्वितीय क्रमांक पटकाविला. विजयी  विद्यार्थ्यांसाठी  क्रीडा शिक्षक एस एल पाटील सर यांनी मेहनत घेतली. जिंकलेल्या सर्व विद्यार्थ्यांचे शाळेचे मुख्याध्यापक यांनी  खूप कौतुक केले व शाळेचे अध्यक्ष डॉ आर आर पाटील साहेब यांनी  अभिनंदन केले. संस्थेचे सचिव उज्वल पाटील कार्याध्यक्ष अनिल पाटील प्राचार्य एम डी पाटील शाळेतील सर्व शिक्षक व शिक्षकेतर कर्मचारी  यांनी अभिनंदन करून कौतुक केले.