*जिल्हा काँग्रेसची जनसंवाद यात्रा* *पूर्वतयारीसाठी महत्वपूर्ण बैठक*

देशातील जनतेला भरमसाठ खोटी आश्वासने देऊन सत्तेत आलेले केंद्रातील भाजपा सरकार बेईमानीने फोडाफोडीच्या राजकारणातून निर्माण झालेले चाळीस खोक्यांचे महाराष्ट्रातील राज्य सरकार सर्व आघाड्यांवर पूर्णतः अपयशी ठरले आहे. महागाई, बेरोजगारी, शेतकरी व कामगार विरोधी धोरणे, सार्वजनिक संस्थांचे खाजगीकरण, ईडी, सीबीआय, इन्कम टॅक्स या केंद्रीय यंत्रणांचा गैरवापर करून विरोधकांचा आवाज दाबण्याचा प्रयत्न, देशाची लोकशाही व संविधान संपविण्याचे कट-कारस्थान यामुळे जनतेच्या मनात प्रचंड संताप आहे. महिलांवरील अत्याचार व वारंवार घडत असलेल्या जातीय-धार्मिक दंगलीमुळे सर्वसामान्य जनता भयभीत झालेली आहे. त्यांच्या मनात राज्य व केंद्र सरकारच्या विरोधात प्रचंड चीड तयार झालेली आहे व असंतोष जनतेच्या मनात खदखदत आहे. या पार्श्वभूमीवर लोकभावना जाणून घेण्याच्या दृष्टीने राज्यात पदयात्रा काढण्याबाबत अखिल भारतीय काँग्रेस कमिटीचे अध्यक्ष माननीय *श्री मल्लिकार्जुन खरगे* साहेब यांच्या आदेशानुसार व खासदार *राहुलजी गांधी* यांच्या नेतृत्वाखाली व महाराष्ट्रातील  महाराष्ट्र प्रभारी *ना. एच के पाटील* , महाराष्ट्र प्रदेश काँग्रेसचे अध्यक्ष *आ. श्री नाना पटोले* तसेच विधिमंडळाचे नेते *आ. बाळासाहेब थोरात* , अखिल भारतीय काँग्रेसचे वर्किंग कमिटीचे सदस्य *आ. श्री अशोकराव चव्हाण* , महाराष्ट्र प्रदेश काँग्रेसचे कार्याध्यक्ष *आ. श्री कुणाल बाबा पाटील* या सर्वांच्या उपस्थितीत झालेल्या बैठकीत 3 सप्टेंबर ते 12 सप्टेंबर दरम्यान 'जनसंवाद पदयात्रा' प्रत्येक जिल्ह्यातून काढण्याचे निश्चित करण्यात आलेले आहे.

या पार्श्वभूमीवर धुळे जिल्ह्यातील जनसंवाद पदयात्रा जिल्ह्याचे नेते, प्रदेश कार्याध्यक्ष *आ. कुणाल बाबा पाटील* यांच्या नेतृत्वाखाली निघणार असून समारोप ज्येष्ठ नेते *आ. बाळासाहेब थोरात* यांच्या उपस्थितीत होणार आहे.

धुळे जिल्ह्यातील *शिरपूर, सिंदखेडा, साक्री, धुळे* या तालुक्यातील आणि *धुळे शहरातील* जनसंवाद पदयात्रेचा कार्यक्रम निश्चित करण्यासाठी, रूपरेषा ठरविण्यासाठी आणि तालुकानिहाय पदाधिकाऱ्यांना जबाबदारीचे वाटप करण्यासाठी *रविवार दि. २७ ऑगस्ट २०२३ रोजी दुपारी ४ वाजता* *आ. कुणाल बाबा पाटील* यांच्या अध्यक्षतेखाली महत्वपूर्ण बैठकीचे आयोजन करण्यात आले आहे. सदर बैठक *'काँग्रेस भवन', धुळे* येथे संपन्न होणार आहे. तरी सदर बैठकीस सर्व तालुका काँग्रेस अध्यक्ष, सर्व तालुका महिला काँग्रेस अध्यक्ष, सर्व तालुका युवक काँग्रेसचे अध्यक्ष, जिल्ह्यातील महिला काँग्रेस, इंटक, सेवादल, अल्पसंख्याक, अनुसूचित जाती, अनुसूचित जमाती सेल अध्यक्ष, तालुक्यातील सर्व आघाडी, सेल अध्यक्ष, आजी-माजी आमदार, खासदार, जि प सदस्य, प. स. सदस्य आणि काँग्रेसचे ज्येष्ठ- श्रेष्ठ पदाधिकारी यांनी बैठकीस हजर रहावे असे आवाहन धुळे जिल्हा काँग्रेसचे अध्यक्ष *श्री शामकांत सनेर* व धुळे शहर जिल्हा काँग्रेसचे अध्यक्ष *डॉ. अनिल भामरे* यांनी केले आहे..