*जनता हायस्कूल मध्ये 75 वा प्रजासत्ताक दिवस उत्साहात साजरा*

शिंदखेडा ( यादवराव सावंत ) प्रतिनिधी-

  जनता हायस्कूल व कनिष्ठ महाविद्यालय,  गायत्री माता प्राथमिक विद्यामंदिरात 75 वा प्रजासत्ताक दिवस उत्साहात साजरा करण्यात आला.राष्ट्रीय ध्वजाचे ध्वजारोहण संस्थेचे अध्यक्ष श्री मनोहर गोरख पाटील यांच्या शुभ हस्ते करण्यात आले. कार्यक्रम प्रसंगी संस्थेचे उपाध्यक्ष अमजद मेहमूद कुरेशी, सचिव श्रीमती मीरा  मनोहर पाटील खजिनदार श्री देवेंद्र पोपटराव बोरसे माजी प्राचार्य श्रीमती एम.डी.बोरसे माजी मुख्याध्यापक श्री बी.बी मराठे,श्री के.आर.पाटील माजी शिक्षक श्री आर.एस सावळे शिक्षकेतर कर्मचारी श्री बालमुकुंद सत्तळीस,श्री जी.व्ही.बोरसे श्री टी.जी गिरासे प्राचार्या श्रीमती एस.एस.बैसाने पर्यवेक्षक उमेश देसले वरिष्ठ लिपिक श्री किशोर गोरख पाटील आदी उपस्थित होते.  

  प्रजासत्ताक दिनाचे औचित्य साधून इयत्ता दहावी,नववीच्या व आठवीच्या विद्यार्थ्यांनी वाद्याच्या तालावर राष्ट्रीय ध्वजाला मानवंदना देत संचालन सादर केले. तसेच राष्ट्रीय गीतावर लेझीम पथकाने प्रात्यक्षिक तर लहान गटातील विद्यार्थ्यांनी डंबेल्स घुंगरू काठी व मुग्दल यावर आधारित कवायतीचे हात सादर केले.तसेच विविध शालेय स्तरावरील क्रीडा स्पर्धांचे देखीलआयोजन करण्यात आले.

    कार्यक्रमात मुख्यमंत्री सुंदर माझी शाळा या महाराष्ट्र शासन अंतर्गत घेण्यात आलेल्या उपक्रमात विद्यार्थ्यांना तंबाखू मुक्तीची शपथ देण्यात आली. वर्षभरातील शालेय स्पर्धा व विविध उपक्रमात विभाग,जिल्हा व तालुका स्तरावर प्राविण्य प्राप्त केलेल्या विद्यार्थ्यांचा,त्यांना मार्गदर्शन करणाऱ्या  शिक्षकांचा मान्यवरांच्या हस्ते बक्षीस देऊन सन्मान व गौरव करण्यात आला. कार्यक्रमाचे सूत्रसंचालन श्री एस ए पाटील यांनी तर मान्यवरांचे आभार श्री ए टी पाटील यांनी मानले.                              

 कार्यक्रम यशस्वीतेसाठी श्री डी के सोनवणे श्री बी जे पाटील श्री डी एच सोनवणे श्री जे डी बोरसे श्री एस के जाधव श्रीमती एन जे देसले श्रीमती व्ही एच पाटील श्रीमती पि यू पवार व सर्व शिक्षक बंधू भगिनी व शिक्षेकेतर कर्मचारी यांनी परिश्रम घेतले.