*श्रीराम मारोती मंदिरात अखंड हरिनाम किर्तनी सप्ताहाला (30 जुलै ) सुरुवात*

                           शिंदखेडा (यादवराव सावंत) प्रतिनिधी :-     शिंदखेडा येथील माळीवाडा दरवाजा मारोती मंदिरात श्री. संत शिरोमणी सावता महाराज अखंड हरिनाम किर्तनी सप्ताहाची सांगता झाल्यावर ज्येष्ठ संत सावतामाळी व श्रीराम मारोती मंदिर यांची अखंड हरिनाम किर्तन सप्ताह परंपरा गेल्या अनेक शतकापासुन शहरात सुरु आहे. संत परंपरेने पावन झालेल्या शिंदखेडा शहरात श्री. संत शिरोमणी सावता महाराज यांच्या संजीवन समाधी सोहळा निमित्त अखंड हरिनाम किर्तनी सप्ताह ही परंपरा सलग दिडशे वर्षापासून जपली गेलेली आहे.त्यानंतर श्रीराम मारोती मंदिर अखंड हरिनाम किर्तन सप्ताहाची आजपासुन दि.( 30 जुलै) सकाळी अकरा वाजता राहुल जोशी महाराज यांनी विधीवत पुजा करून सुरुवात करण्यात आली. हयावेळी सर्व भक्त गण, मंडळ पदाधिकारी उपस्थित होते.सालाबादप्रमाणे हयावर्षीही भाविक भक्त आणि ग्रामस्थ मिळुन हा अखंड किर्तन सोहळा साजरा केला जात आहे. अखंड हरिनाम सप्ताहात तर शहर नुसतं राम कृष्ण हरी च्या जयघोषात न्हाहुन जाते. शहरातील लहानापासुन मोठ्यांपर्यत प्रत्येक जण सेवेत, किर्तनात, भजनात आणि नामस्मरणात सहभागी झाला होता. हीच खरी ग्रामसंस्कृती आणि खरी आध्यात्मिक प्रगती आहे. या निमित्ताने संयोजक मंडळी, वारकरी, वडीलधारी, तरुण मित्र मंडळ यांच्या भक्ती भावामुळेच ही पवित्र परंपरा पार करून आजही तेजस्वी पणे सुरु आहे. सप्ताहात अनेक नामवंत महाराजांचे रात्री 8-30 ते 10 वाजेपर्यंत किर्तन होणार असुन त्यात दिनांक 30 जुलै रोजी बुधवार ह भ प श्री युवा कीर्तनकार शुभम महाराज मंदानेकर,दि. 31जुलै गुरुवार रोजी ह भ प श्री युवा कीर्तनकार सचिन महाराज बोरकुंडकर,दि. 1 आगस्ट शुक्रवार रोजी ह भ प श्री गायन गंधर्व योगेश महाराज वरझडीकर, दि. 2 आगस्ट  शनिवार रोजी ह भ प विनोदाचार्य रवींद्र महाराज तारखेडकर, दि. 3 आगस्ट रविवार रोजी ह भ प श्री भागवताचार्य योगेश महाराज धामणगावकर, दि. 4 आगस्ट सोमवार रोजी ह भ प विनोदाचार्य किशोर महाराज मोरदडकर, दि. 5 आगस्ट  मंगळवार रोजी ह भ प गीता मूर्ती परमेश्वर महाराज सुरायकर तर दि. 6 आगस्ट बुधवार रोजी सकाळी  9 ते 11 ह भ प गुरुवर्य अशोक महाराज विखरणकर यांचे काल्याचे कीर्तन होणार आहेत तर संध्याकाळी सहा वाजता श्रीराम मारोती पालखी मिरवणुक शिंदखेडा शहरातील निघणार आहे. विविध यजमान यांनी भक्ती भावे सेवा देवुन हया कार्यास झोकून दिले आहे. हयाकरिता श्रीराम मारोती मंदिर, संत सावता बालगोपाल हरिपाठ मंडळ, महिला भजनी मंडळ यांचे सहकार्य लाभत आहे.सदर किर्तनी सोहळा श्रीराम मारोती मंदिर माळी दरवाजा शिंदखेडा येथे होत असुन मोठ्या संख्येने भक्त भाविकांनी किर्तन श्ववणाचा लाभ घेण्याचे आवाहन मंडळ पदाधिकारीनी याप्रसंगी केले आहे.