🏆 साने गुरुजी विद्यालयाच्या शिरपेचात मानाचा तुरा; मयुरी जाधवची जिल्हास्तरीय वकृत्व स्पर्धेसाठी निवड!

पाष्टे : जिद्द, मेहनत आणि योग्य मार्गदर्शनाच्या जोरावर साने गुरुजी विद्यालयातील इयत्ता नववीची विद्यार्थिनी कु. मयुरी लक्ष्मण जाधव हिने आपल्या प्रभावी वकृत्वाने भारतीय विद्यार्थी विज्ञान मेळाव्यात प्रथम क्रमांक पटकावून विद्यालयाच्या शिरपेचात मानाचा तुरा रोवला आहे.

पंचायत समिती शिक्षण विभाग, शिंदखेडा मुख्याध्यापक संघ आणि शिंदखेडा तालुका विज्ञान/गणित अध्यापक संघ यांच्या संयुक्त विद्यमाने दि. १८ ऑगस्ट रोजी स्वामी समर्थ हायस्कूल, शिंदखेडा येथे वकृत्व स्पर्धा आयोजित करण्यात आली होती. या स्पर्धेत मयुरीने आत्मविश्वासपूर्ण आणि प्रभावी वकृत्व सादर करीत प्रथम क्रमांकाचे पारितोषिक मिळविले. तिची आता जिल्हास्तरीय वकृत्व स्पर्धेसाठी निवड झाली आहे.

मयुरीच्या या यशाची बातमी समजताच विद्यालयात आनंदाचे वातावरण निर्माण झाले. आई-वडिलांची स्वप्ने, शिक्षकांचे मार्गदर्शन आणि स्वतःची मेहनत यांचे सुंदर फलित म्हणजे मयुरीचे हे यश, अशी भावना शिक्षक व पालकांनी व्यक्त केली.

तिच्या यशामागे विज्ञान शिक्षक श्री. विशाल अहिरे सर यांचे मोलाचे मार्गदर्शन लाभले. संस्थेचे अध्यक्ष मा. आबासाहेब श्री. श्रीराम जवागे, मुख्याध्यापिका श्रीमती पी. एस. पाटील, शिक्षक-शिक्षकेतर कर्मचारीवृंद आणि पालकांनी मयुरीचे मनःपूर्वक अभिनंदन करून जिल्हास्तरीय स्पर्धेसाठी शुभेच्छा दिल्या

“मयुरीच्या यशाने विद्यालयाचा गौरव वाढला असून, तिच्या आवाजातील आत्मविश्वास आता जिल्ह्याच्या व्यासपीठावर घुमणार आहे,” अशी भावना यावेळी व्यक्त करण्यात आली.

तसेच मयुरीला खुप खुप शुभेच्छा 🌹 

शुभेच्छुक-- 

भालचंद्र पाटील 

संपादक सा सुजान नागरिक पाष्टे व 

उपाध्यक्ष -शिंदखेडा तालुका शिवसेना शिंदे गट गट