*एस.एस.व्ही.पी.एस. शिंदखेडा महाविद्यालयात दणक्यात पार पडली अंतर महाविद्यालयीन वेटलिफ्टिंग स्पर्धा!*

शिंदखेडा ( यादवराव सावंत ) प्रतिनिधी :-

 कवयित्री बहिणाबाई चौधरी उत्तर महाराष्ट्र विद्यापीठांतर्गत धुळे विभागाच्या अंतर महाविद्यालयीन वेटलिफ्टिंग (उचलभारोझन) स्पर्धा उत्साहात पार पडल्या. शिंदखेडा येथील एस.एस.व्ही.पी.एस. वरिष्ठ महाविद्यालयात या स्पर्धांचे यशस्वी आयोजन करण्यात आले होते. महाविद्यालयाचे प्राचार्य डॉ. आशुतोष पाटील यांच्या हस्ते दीपप्रज्वलन करून व औपचारिक उद्घाटन सोहळ्याने या क्रीडा महोत्सवाला दिमाखात सुरुवात झाली.

 खेळाडूंचा उत्स्फूर्त सहभाग व निवड

या क्रीडा स्पर्धेत धुळे विभागातील विविध महाविद्यालयांच्या संघानी अत्यंत उत्साहात सहभाग नोंदविला. यामध्ये प्रामुख्याने खालील महाविद्यालयांच्या खेळाडूंनी आपली ताकद व कौशल्य सादर केले. एस.एस.व्ही.पी.एस. आर्ट्स अँड कॉमर्स कॉलेज, धुळे

,एस.पी.डी.एम. महाविद्यालय, शिरपूर

, एस.एस.व्ही.पी.एस. वरिष्ठ महाविद्यालय, शिंदखेडा

या स्पर्धांमधून उत्कृष्ट कामगिरी करणाऱ्या खेळाडूंची पुढील विद्यापीठस्तरीय विभागीय स्पर्धेसाठी निवड करण्यात आली आहे.

मान्यवरांच्या उपस्थितीने वाढली शोभा

स्पर्धेच्या उद्घाटन प्रसंगी महाविद्यालयातील विविध विभागांचे प्रमुख व प्राध्यापक वर्ग मोठ्या संख्येने उपस्थित होता. यामध्ये प्रामुख्याने:

प्राचार्य डॉ. आशुतोष पाटील (उद्घाटक),

  डॉ. व्ही. एस. पवार,

  डॉ. आर. के. पवार,

 डॉ. एस. के. जाधव

   यांच्यासह अनेक प्राध्यापक आणि क्रीडाप्रेमी उपस्थित राहून खेळाडूंचा उत्साह वाढविला.

या संपूर्ण स्पर्धेचे यशस्वी नियोजन प्रा. आर. आर. पाटील यांनी केले. स्पर्धा यशस्वी पार पाडण्यासाठी महाविद्यालयातील क्रीडा विभाग आणि सहकाऱ्यांनी मोलाचे योगदान दिले. यामध्ये श्री. विशाल पाटील, श्री. दिनेश देसले आणि श्री. भावेश धनगर यांनी विशेष परिश्रम घेतले.

 शिंदखेडा महाविद्यालयात पार पडलेल्या या वेटलिफ्टिंग स्पर्धेमुळे ग्रामीण भागातील क्रीडागुणांना हक्काचे व्यासपीठ मिळाले असून, निवड झालेले खेळाडू आता पुढील टप्प्यात महाविद्यालयाचे नाव उज्ज्वल करण्यासाठी सज्ज आहेत.