*शिंदखेडा येथील जनता हायस्कूल ला संविधान दिन साजरा*

  शिंदखेडा( यादवराव सावंत) प्रतिनिधी-- येथील जनता हायस्कूल व कनिष्ठ महाविद्यालयांमध्ये 26 नोव्हेंबर संविधान दिवस उत्साहात साजरा करण्यात आला कार्यक्रम प्रसंगी शाळेचे मुख्याध्यापिका श्रीमती एम.डी बोरसे, यांच्या हस्ते भारतरत्न डॉक्टर बाबासाहेब आंबेडकर यांच्या प्रतिमेचे पूजन करून विद्यार्थ्यांकडून सामूहिक संविधान वाचन करण्यात आले. कार्यक्रम प्रसंगी पर्यवेक्षक श्री उमेश देसले, ज्येष्ठ शिक्षिका श्रीमती एस एस बैसाने, वरिष्ठ लिपिक श्री किशोर पाटील आदी उपस्थित होते

  याप्रसंगी डॉक्टर बाबासाहेबांनी अथक परिश्रमातून तयार केलेला राज्यघटनेचा इतिहास व त्यातून तयार झालेल्या  संविधानाचे महत्त्व श्री एस .ए .पाटील यांनी  आपल्या मनोगतातून विद्यार्थ्यांसमोर समोर मांडले कार्यक्रम यशस्वीतेसाठी सर्व शिक्षक- शिक्षकेतर बंधू-भगिनींनी परिश्रम घेतले.