सी बी देसले विद्यालयात ‘आकाशगंगा प्रक्षेपण’ सोहळा उत्साहात संपन्न

प्रतिनिधी l शिंदखेडा :

विद्यार्थ्यांमध्ये विज्ञान आणि अंतराळ तंत्रज्ञानाविषयी गोडी निर्माण व्हावी, या उद्देशातून सी बी देसले विद्यालय,भडणे शाळेच्या प्रांगणाशेजारी विठ्ठल मंदिराच्या सभागृहात ‘आकाशगंगा प्रक्षेपण’ (Galaxy/Space Launch Exhibition) कार्यक्रमाचे आयोजन करण्यात आले. या शैक्षणिक उपक्रमाला विद्यार्थ्यांचा उत्स्फूर्त प्रतिसाद मिळाला.

कार्यक्रमाच्या यशस्वी आयोजनासाठी पोलाद स्टील आणि भाग्यश्री रोलिंग मिल यांचे विशेष सहकार्य लाभले.यांत सहनिर्देशक तथा तंत्रज्ञ रामकृष्ण चव्हाण व डीलर लक्ष्मण देवासे,मनोज आगलावे यांचे अमुल्य सहकार्य लाभले.स्थानिक उद्योग व शैक्षणिक संस्था यांच्या सहकार्यातून विद्यार्थ्यांसाठी अशा प्रकारचा नाविन्यपूर्ण उपक्रम राबवल्याबद्दल परिसरातुन समाधान व्यक्त होत आहे.

कार्यक्रमाची ठळक वैशिष्ट्ये:

 शासकीय व व्यावहारिक मार्गदर्शन : कार्यक्रमात अंतराळ विज्ञान, आकाशगंगा आणि प्रक्षेपणामागील वैज्ञानिक तत्त्वांची सविस्तर माहिती तज्ज्ञांनी विद्यार्थ्यांना दिली.

विद्यार्थ्यांचा सहभाग: विद्यार्थ्यांनी स्वतः बनवलेले विविध विज्ञान प्रकल्प आणि मॉडेल्स या वेळी सादर केले.

 प्रायोजकांचे योगदान: पोलाद स्टील व भाग्यश्री रोलिंग मिल यांच्या आर्थिक व अन्य सहकार्यामुळे हा उपक्रम अत्यंत भव्य स्वरूपात पार पडला.या वेळी शाळेचे मुख्याध्यापक एस ए वाडिले, शिक्षकवृंद,शालेय समिती चेअरमन भबुतराव देसले, अध्यक्ष साहेबरावं खरकार, उपाध्यक्ष वाल्मिक पाटील,सचिव प्रकाश पाटील  यांनी, कार्यक्रमास शुभेच्छा दिल्या व समाधान व्यक्त केले.सदर कार्यक्रमाचे प्रायोजकत्व शिंदखेडा भाजपा शहराध्यक्ष संजयकुमार महाजन यांच्या सहकार्याने मिळाले.

 प्रसंगी जेष्ठ शिक्षिका एस आर वेंदे, रावसाहेब बैसाणे, सारंग पाटील, मनोहर पाटील, जितेंद्र अहिरे, निशांत शिंदे यांनी उपस्थिती दिली. शिक्षकेतर कर्मचारी शरद पवार व निलेश पवार यांनी सहकार्य केले.कार्यक्रमाची सांगता विद्यार्थ्यांच्या उत्साही घोषणांनी व राष्ट्रगीताने झाली.

तारांगणात दाखवले जाणारे मुख्य विषय : 

सूर्यमाला: सूर्य, आठ ग्रह आणि त्यांचे उपग्रह यांची सफर.नक्षत्र आणि राशी: रात्रीच्या आकाशातील ताऱ्यांचे वेगवेगळे समूह (Constellations) ओळखणे.

अवकाश मोहीम: इस्रो (ISRO) आणि नासा (NASA) च्या प्रसिद्ध मोहिमांची माहिती.खगोलीय घटना: चंद्रग्रहण, सूर्यग्रहण आणि उल्कावर्षाव कसा होतो याचे प्रात्यक्षिक.